I Ghenggonalangi duatang saluruang maiang su dinure su wowong bukirang melehengkung kawasa mangekeng papaduli su kanandung elong pebiahengku patiku apang su dunia madiadi tuhu e hengetange tulumangu masuku su kakendage, tatalentue talumantale sentinia-natinalung su papaduli kere nalahe su taung buhu na paghohe pelahikingU matutuang piane su matatana u tampungan lawo bou tembonange sarang kawanune.
Oh Ruata oh Ghenggona, Su sembekang patiku kebi ene dalawang, tatumbiage I kami mang madiadi hakieweng pia banua megegolahe, megegalondong mengopehe entana leba mebebegang balo mamingka ngara mengonode katanaeng. Ku ualingu ene simuri pendang su naung sesile kinahombangeng metahendung dalawanga.
Oh Mawuku Oh Ruatatku, Oh Ghenggona. Mendaki eng tahulending lanise tataghupia uwusu patiku buntu sasaghenU sembanua bale lohong kadadima banalane kadadalurang binentalu kalu wengi mepude sasighe alwe tumangighe takumibangpineteweogangu sala petambang samala tinampung seka ghalomo su laehu pemawukang. Ake munde ake munde, daraki ake daraki, ake munde pehiking daraki pepaduli ake, laehu tumahang simbule tamalalesa. Mahesa puengu wera manulengang banggile arawe hamu u kalu kalinsu datung kebi su hiwa sala salane lahipe talengkone.
Oh Ruata Oh Ghenggona, Kalipepu su siwombole simbuleng tumahang su ralapong pawuwukang liwua’u ponto mudise ake munde pendaki penahulending taghupiang tatuluse nairudeng tanuhe netambang samata sasaghapu ruatang kamae susa sumelungu rong su tengong ghenggonalangi lohong daghe endai baung gesing: dulunge kawowo sarang mebilowoi masalukungu rudiki medalimbae aseki penentiru naung asagu endumang nehengkeng tulende dumui piane mendeta elone. Dorong su Ruata si Ghenggonalangi uluheeng kakendagi tadeau makatimba su limang Mawa Ruata kite kebi malunsemahe.
Sumber: Buku Panduan 595 Tahun Sangihe 2020.
